Manufahi, 28 Janeiru 2026.

Xefe Departementu Rekuperasaun, Autoridade Protesaun Sivíl (APC) Munisípu Manufahi Brigida de Andrade hamutuk ajente CVTL akompaña husi média RTTL. EP halo asesmentu no verifikasaun ba uma tolu (3) ne’ebé hetan estragus tanba kauza husi anin bot, iha 22 Janeiru 2026 iha Suku Holarua.

Vítima afeirada husi dezastre ho tipu anin bot ne’e kompostu husi Aldeia Tirilolo uma ida (1) ho kategoria a’at Kaman no uma rua (2) husi Aldeia Deunai ho kategoria a’at naton, uma estragus tolu ne’e pertense ba Suku Holarua, Postu Administrativu Same, Munisípiu Manufahi.

Relasiona ho atividade asesmentu ne’e, tuir informasaun husi familia vitima katak husi akontesimentu ne’e la rezulta membru familia balun kanek no lakon vida, enkuantu uma mak hetan estragus.